Kronologia

1890

— Janarietarako lurrinak eta gai enologikoak dakartza Antxora Laffort y Cía konpainiak.

martxoak 18

— Manuela Antia Antxoko dendariaren hiltzailea epaitu zuten Donostian.

apirilak 2

— Tranbia Antxotik Molinaoraino luzatu zen.

apirilak 25

— Ekaitz gogorra Bizkaiko Golkoan: San Juango bost arrantzale galdu ziren.

maiatzak 1

— Maiatzaren Lehena ospatu zuten aurreneko aldiz mundu osoko langileek. Osteguna zen, eta Espainiako gobernuak baimendu egin zuen lan uztea. Aldarrikapen nagusia zortzi orduko lan-eguna lortzea izan zen.

ekainak 21

— Administrazio Auzietarako Tribunalaren epaia, erabakiz Donostiak beretzat nahi zuen Antxo sortzeko itsasoari kendutako lur eremua Pasaiarena dela: Antxokoak pasaitarrak dira.

uztailak 13

— Tranbiak adar berri bat osatu zuen, Molinaotik Errenteriara.

irailak 20

— Berrehun bat antxotar bildu ziren udal autonomiaz hitz egiteko: joera nagusia Antxo independente izatearen aldekoa da. Batzorde bat izendatu zen helburu horretan saiatzeko: Mariano Sanchez, Antonio Etxebarria, Antonio Maleprade, N. Lapazaran, Federico Sanchez, Ramon Arzelus eta Juan Valverde.