Kronologia

1859

— Altzan barrena burdinbideak behar zituen lurren desjabetza hasi zen. Hona kaltetutako baserriak: Algarbe, Altuena, Antxo, Arraskuena, Darieta, Etxeluze, Etxetxiki, Felisarre, Garro, Intxaurrondo zaharra, Lindorena, Mirabarkera, Parada, Perratoki, Peruene, Portuzar, Txoko, Zardandegi, Zornotza.

Kronologia

1862

— Istripu larria gertatu zen Kaputxinoetan egiten ari ziren burdinbideko lanetan. Istripu honen ondorioz, harresia ez baina tunela egitea erabaki zen.

Kronologia

1864

uztailak 30

— Antxo herria izango zenaren eremua, orduan “basatza zena”, Fermin Lasala, Duque de Mandas jaunari eman zion Erregearen Agindu batek, “lehortu eta baratzetarako prestatzekotan”.

abuztuak 15

— Norteko burdinbidea eraiki eta mustu zen. Hau dugu portuaren eta Antxo izango zenaren arteko lehen mozketa: basatzaren 115.000 m2 haiek lur lehorra errazago bihurtzeko behar duten dikea egina dago, “baratzetarako” erabiliko ez badira ere….

Kronologia

1870

— Molinaon M. Borderas y Cí­a petrolio biltegia ezarri zen. Petrolio eta metalolio finketa eta salerosketa.

Kronologia

1871

— Merkataritzako kaia eraiki zen lan eta bizileku bihurtzen hasitako basatza lehortuaren aurrean, trenbidearen beste aldean. “Antxoko mollea” esan izan zioten langileek. Zurezkoa zen, eta ikatza hartzen zuen gehienbat.

Kronologia

1883

urriak 31

— Hamarretxeta izeneko eraikinaren planoa aurkeztu zuen Clemente Osinaldek, basatzari kenduriko lurraldearen jabe bakarra zen Duque de Mandas-en Antxorako ordezkariak.

Kronologia

1887

— Sociedad Musical Pasaitarra elkartea sortu zen, kontzertuak emateko.